БИШКЕК, 8-июль — Sputnik. Өкмөт башчысы Темир Сариев Кыргызстандын Евразиялык экономикалык биримдикке кошулуусу боюнча келишимди макулдашуу жараянын бул уюмдагы өнөктөш өлкөлөр жакынкы күндөрү толук аяктарын белгилеп, чек араларды ачууга бардык мамлекеттик органдар даяр болушу керектигин эскертти. Бул тууралуу өкмөттүн маалымат кызматы билдирди.
"Чек аралардын өз убагында ачылышы мамлекеттик органдардын сапаттуу жана иштиктүү ишине жараша болот. Тиешелүү органдардын жетекчилери бул багытта өз жоопкерчиликтеринсезип, тез арада иштерди бүткөрүшү зарыл", — деди Сариев.
Ошондой эле премьер чек араны ачуу боюнча айрым кемчиликтерди тез жоюу боюнча тиешелүү органдарга тапшырма берди.
2015-жылдын 8-майында Москвада Кыргызстан ЕАЭБке мүчө болуу үчүн келишимге кол койгон.
