БИШКЕК, 1-июнь — Sputnik. Быйыл июнь айында Кыргызстандагы дарыялар суунун кириши ченеминен жогору болорун ӨКМдин Гидрометеорология агенттиги билдирди.
Маалыматка ылайык, Ысык-Көл, Чүй, Талас, Нарын, Сырдарыя жана Амударыя бассейнинде суунун топтолушу 30 пайызга көп болушу мүмкүн.
Бирок Орто-Токой, Киров суу сактагычына суунун агып кирүүсү 20 пайызга аз болору болжолдонууда. Эң көп электр кубатын иштеп чыгуучу Токтогул суу сактагычында агып кирүүчү суунун көлөмү 24 пайызга көп болору күтүлүп жатат..
