БИШКЕК, 18-май — Sputnik. Түркияда окуп жаткан КМШ мамлекеттеринин студенттери арасында алгачкы жолу "Босфор кубогу " уюштурулуп. Ага Кыргызстандын "Kg Club" командасы, Казакстандын "Столичные" жана Россиянын "Понаехали" командалары катышканын КР Тышкы иштер министрлигинин маалымат кызматы билдирди.
"Босфор кубогун " КРдин Стамбул шаарындагы башкы консулдугу жана "Кыргызстан достук жана маданият" коому жана Россиянын агартуу,маданият жана иш кызматташтыгы коому уюштурду.
Оюндун жыйынтыгы боюнча "Kg Club" командасы 13,7 упай менен биринчи орунду ээлесе, "Понаехали" – 13,2 упай менен экинчи орунду жана 13 упай менен Казакстандын "Столичные" командасы үчүнчү орунду алды.
Оюндун калыстары үч команданын жогорку деңгээлдеги даярдыгын баса белгилеп, жеңүүчүнү аныктоо бир топ кыйын болгонун айтышкан.
