20 өлкө орус дипломаттарын чыгарууда. Россия ТИМи муну чагымчылдык деди

© Sputnik / Игорь ЗарембоВысылка российских дипломатов в Берлине
Высылка российских дипломатов в Берлине - Sputnik Кыргызстан
Жазылуу
Россиянын АКШдагы элчиси Антонов Вашингтон күч колдонуудан башка эч нерсени түшүнбөй жаткандыктан, аларды жоопсуз калтырууга мүмкүн эместигин айтты.

БИШКЕК, 27-мар. — Sputnik. РФ ТИМи "Скрипаль чыры" боюнча 20 өлкө орус дипломаттарды чыгарып салганын — достукка жатпаган жана чагымчыл кадам деп баалады. Бул туурасында РИА Новости жазды.

Муну менен катар эле Россиянын АКШдагы элчиси Антонов Вашингтон күч колдонуудан башка эч нерсени түшүнбөй жаткандыктан, аларды жоопсуз калтырууга мүмкүн эместигин жазды.

"Мен аларга бериле турган жооп орундуу болушу керек деп эсептейм. Москва буга тиешелүү чечим кабыл алат. Жаран катары караганда деле ойлонбой жасалган мындай чагымчыл кадамдарды жазасыз калтырууга болбойт", — деди элчи.

Британиянын тыңчылык кызматына иштеген, Россиянын Башкы чалгын кызматынын мурдагы полковниги Скрипаль менен кызы Юлияны 2017-жылдын 4-мартында Солсбери шаарында эс-учун жоготкон тейде табышкан. Расмий Лондон Скрипаль советтик программа менен даярдалган "Новичок" деп аталган заттан уулангандыгын айткан.

Рабочие перемещают флаг США - Sputnik Кыргызстан
АКШ аткаминерлеринин бири Өзбекстанга келип, өлкө реформасын талкуулайт
Маалыматтарда Советтер Союзунда мындай аталыштагы долбоор болгон эместиги, андай кырдаалда атайын сандар колдонулуп келгендиги айтылды. "Новичок" сөзү кошулган маалыматтар чет элдик жалпыга маалымдоо каражаттарында Вил Мирзояновдун айтуусу менен тарап кеткен. Анткен менен бул адамдын химиялык курал боюнча илимге эч кандай тиешеси жоктугу айтылууда.

Бул жагдайдан кийин Британия бийлиги өлкөдөн россиялык 23 дипломатты чыгарып, андан сырткары Россия менен алаканы токтотуу чечимин кабыл алган. Бул кадамдан кийин Москва да британиялык 23 дипломатты өлкөдөн чыгарарын айткан. Андан сырткары, Санкт-Петербург шаарында консулдукту ачууга берген уруксатты чакыртып алып, Британия кеңеши менен иштешүүнү токтоткондугун маалымдаган.

Жаңылыктар түрмөгү
0