Stand Up Comedy Bishkek клубунун резиденти Назгүл Алымкулова ТНТ каналындагы Comedy баттл шоусунун жарым финалына өттү. Анын сынакка катышкан видеосу россиялык телеканалдын сайтына жарыяланды.
Ата мекендик юморист жарым финал учурунда үй-бүлөдөгү турмуш-тиричилик, аял-күйөөнүн мамилеси тууралуу тамашаларды айткан. Ошондой эле Москва менен Бишкектин айырмасына да токтолуп өткөн.
Үч калыстын экөө — Семен Слепаков менен Ляйсан Утяшева Алымкулованы колдоп добуш беришти.
Comedy баттл — ТНТ телеканалындагы стендап-шоу. Жеңүүчү аталган катышуучу беш миллион рублге ээ болот.
