Ысык-Көлдө обсервацияда 109 киши жатат, анын 44ү медик

© Sputnik / Владимир Астапкович / Медиабанкка өтүүКиши обсервациянын коридорунда бара жатат. Архив
Киши обсервациянын коридорунда бара жатат. Архив - Sputnik Кыргызстан
Жазылуу
Облус жетекчиси Нарынга коронавирус менен күрөшүүгө жардамга барган 44 милиция кызматкери да обсервацияга жатып чыкканын кошумчалады.

БИШКЕК, 28-май — Sputnik. Ысык-Көлдөгү обсервация жайларында жалпы 109 киши жатат, анын 44ү медицина кызматкерлери. Бул тууралуу өкмөттүн Ысык-Көл облусундагы өкүлү Акылбек Осмоналиев брифинг учурунда билдирди.

Облус башчынын айтымында, обсервацияда жаткандардын ичинде милиция кызматкерлери дагы бар.

"Көл боюнча 2809 орун обсервация үчүн даярдалган. Азыркы тапта 109 жаран ошол жакта. Анын 44ү медик, 14ү милиция кызматкерлери. Калгандары чет өлкөдөн келгендер, байланышта болгондор. Кооптуу делген аймактан келген ар бир жаранды үй карантинине коюп, медиктердин кароосуна өткөрүп берип жатабыз. Үй карантин режимин бузгандар обсервацияга алынгандан тышкары, Эреже бузуулар кодексинде каралган беренелер боюнча жоопкерчиликке тартылышат", — деди Осмоналиев.

Облус жетекчиси Нарын облусуна жардамга барган 44 милиция кызматкери да обсервацияга жатып чыкканын кошумчалады. Ошондой эле Балыкчы шаарына кирип бараткандагы "Ак кеме" өткөрмө постунда турган ар бир кызматкер 14 күндүк нөөмөттөн кийин сөзсүз обсервацияга алынарын баса белгиледи.

Аталган облуста 14 кишиден коронавирус табылган. Анын 13ү айыгып, бирөө учурда дарыланып жатканы маалым болду.

Пляжный сезон на Иссык-Куле - Sputnik Кыргызстан
Ысык-Көл туристтерди качан кабыл ала баштайт? Өкмөт өкүлүнүн жообу
Кыргызстанда коронавирус жуктуруп алгандардын саны кескин өсүп, бир суткада 74 адамдан вирус табылды. Муну менен инфекция жуктургандардын саны 1594кө жетти. Коронавирустан 1066 бейтап айыгып чыгып, тилекке каршы, 16 адам көз жумду.

11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Өлкөдөгү абал тууралуу Sputnik Кыргызстан тексттик баяндама жүргүзүүдө.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

Жаңылыктар түрмөгү
0