00:36 27 Бугу 2019
Түз эфир
  • USD69.8500
  • EUR78.1272
  • RUB1.0811
Экскаватор. Архив

Ысык-Көлдө уран чалгындаган компаниянын лицензиясы чакыртып алына элек

© Sputnik / Табылды Кадырбеков
Коом
Кыскача шилтеме алуу
Уран казууга каршы аракеттер (29)
20710

UrAsia in Kyrgyzstan компаниясынын лицензияны колдонуу укугу гана токтотулду.

БИШКЕК, 6-май — Sputnik. Ысык-Көлдө Кызыл-Омпол аймагындагы Таш-Булак кенинде уранды чалгындаган UrAsia in Kyrgyzstan компаниясынын лицензиясы чакыртып алына элек. Бул тууралуу Өнөр жай, энергетика жана жер казынасын пайдалануу мамлекеттик комитетинин маалымат кызматынан билдиришти.

"Жер казынасы жөнүндө" мыйзамдын 26-беренесине ылайык, компаниянын лицензияны колдонуу укугу токтотулганын комитеттен ырасташты.

Ал эми лицензияны чакыртып алуу иштери ведомстволор аралык комиссиянын ишинин жыйынтыгы менен чечилет.

Премьер-министр Мухаммедкалый Абылгазиев. Архив
© Фото / пресс-служба правительства/ Алишер Алиев
Биринчи вице-премьер Кубатбек Боронов кенди чалгындаган компаниянын лицензиясы кайтарылып алынганы боюнча 25-апрель күнү Тоң районунун тургундары менен жолугуу маалында айткан. Бирок Кызыл-Омпол уран кенинде чалгындоо иштерин жүргүзүү лицензиясын токтотуу боюнча Өнөр жай, энергетика жана жер казынасын пайдалануу комитетинин чечимине 27-апрель күнү кол коюлган. Башкача айтканда, тийиштүү документке Боронов айткандан кийин эки күндөн соң кол коюлган.

Белгилей кетсек, буга чейин Жогорку Кеңеш Кыргызстанда уранды изилдөөгө, чалгындоого жана казууга тыюу салган токтом кабыл алган.

Эми депутаттар менен өкмөт тийиштүү мыйзам долбоорлорун иштеп чыгуусу керектигин төрага Дастан Жумабеков баса белгилеген.

Ал эми мамлекет башчысы Сооронбай Жээнбеков Конституциялык палатанын судьялары менен болгон жолугушууда Кызыл-Опмолдогу окуя кен казуу тармагындагы башаламандыктын, өзүм билемдик саясаттын жыйынтыгы экенин айткан.

Эске салсак, Ысык-Көлдө уран казууга аракеттер болуп жатканы жөнүндө жергиликтүү эл көтөрүлгөндөн кийин маселе мамлекеттик деңгээлде каралып, өлкө жетекчилери да көңүл бурган.

Тема:
Уран казууга каршы аракеттер (29)

Тема боюнча

Кыргызстанда уран калдыктары сакталган канча жай бар экени айтылды
Ысык-Көлдүн дагы кайсы жерине уранды чалгындоого лицензия берилген? Өкмөттүн жообу
Белгилер:
Ысык-Көл облусу, лицензия, уран

ЭҢ МААНИЛҮҮ