01:37 20 Бугу 2019
Түз эфир
  • USD69.8500
  • EUR78.0539
  • RUB1.0807
Ысык-Көл облусундагы Кызыл-Омпол уран кени. Архив

Уран кенин иштетүүгө тыюу салынганы айтылды. Компания кандай пикирде

© Sputnik
Экономика
Кыскача шилтеме алуу
Уран казууга каршы аракеттер (29)
521 0 0

Буга чейин UrAsia in Kyrgyzstan компаниясынын Ысык-Көлдөгү Кызыл-Омпол тоосундагы уран-торианит чачылмаларын иштетүүгө берилген лицензиясы боюнча коомчулукта нааразычылык пайда болгон.

БИШКЕК, 25-апр. — Sputnik. Ысык-Көл облусундагы Кызыл-Омпол уран кенин иштетүүгө тыюу салынды. Бул тууралуу биринчи вице-премьер-министр Кубатбек Боронов Тоң районунун тургундары менен жолугуу маалында билдирди.

Маалыматка караганда, кенди иштетүү боюнча UrAsia in Kyrgyzstan компаниясына берилген лицензия кайтарып алынды.

"Лецезияны кайтарып алдык. Эми аталган компаниянын кенди иштетмек турсун, чалгындоо жүргүзгөнгө акысы жок. Лицензия жок болгондон кийин иш жүргүзүү мыйзамсыз", — деди Боронов.

Sputnik Кыргызстан агенттигинин кабарчылары компаниянын жетекчиси Светлана Менг менен байланышты.

"Ведомстволор аралык комиссия бул маселени карап жатат. Бирок эгер вице-премьер ушундай деп айткан болсо, демек ошондойдур. Чынында кандай комментарий берүүнү да билбей турам, себеби бизге бул боюнча расмий маалымат бериле элек", — деди Менг.

Ал эми "Лицензияны кайтарып алууга укуктук негиздер барбы?" - деген суроого: "Албетте бар, мыйзам буга жол берет",- деди ал.

Жогорку Кеңештин бейшемби күнкү жыйынында депутаттар Алмамбет Шыкмаматов, Канат Керезбеков жана Алтынбек Сулайманов Кыргызстандын аймагында уран кенин иштетүүгө жана чалгындоого 50 жылдык мораторий жарыялоо боюнча мыйзам долбоорун даярдап жатканын билдиришти. Кесиптештеринин бул демилгесин бир катар эл өкүлдөрү колдоого алды.

Эске салсак, буга чейин UrAsia in Kyrgyzstan компаниясынын Ысык-Көлдүн Тоӊ районунун жана Нарындын Кочкор районунун аймагына кирген Кызыл-Омпол тоосундагы уран-торианит чачылмаларын иштетүүгө берилген лицензиясы боюнча коомчулукта нааразычылык пайда болгон. Социалдык тармактарда элди уран кенин иштетүүгө каршы үгүттөгөн бир нече аудио, видео билдирүүлөр тараган. Ошондой эле аталган маселе Жогорку Кеңеште да көтөрүлгөн.

Кийин премьер Мухаммедкалый Абылгазиев Жогорку Кеңеште Кызыл-Омполдогу уранды чалгындап жаткан UrAsia in Kyrgyzstan компаниясынын таржымалы тууралуу кенен маалымат берген.

Тема:
Уран казууга каршы аракеттер (29)

Тема боюнча

Уран кениндеги чууга Зилалиевдин кандай тиешеси бар? Өкмөттүн түшүндүрмөсү
Жогорку Кеңеште уран казууну 50 жылга чейин токтотуу сунушталды
Белгилер:
лицензия, уран, Кубатбек Боронов

ЭҢ МААНИЛҮҮ