02:32 15 Бештин айы 2019
Түз эфир
  • USD69.8482
  • EUR78.0693
  • RUB1.1166
Бишкек шаарынын мурунку мэри Нариман Тюлеев. Архив

Бишкектин мурунку мэри Нариман Түлеев абактан чыкты

Александр Федоров
Коом
Кыскача шилтеме алуу
Нариман Түлеевдин бошотулушу (9)
84601

Ага карата амнистия колдонулуп, өзүнө коюлган акчалай айыпты толугу менен төлөгөн соң эркиндикке чыкты.

БИШКЕК, 7-май — Sputnik. Бишкек шаарынын мурунку мэри Нариман Түлеев бүгүн, 7-майда эркиндикке чыкты. Бул тууралуу Жазаларды аткаруу мамлекеттик кызматы (ЖАМК) Sputnik Кыргызстан маалымат агенттигине билдирди. 

Ал №47 жаза аткаруу колониясында кармалып турган. 

"Убактылуу өкмөттүн 2010-жылдын 26-апрелиндеги "Амнистия жөнүндө" декретине ылайык Тюлеевдин ишинин мыйзамдуулугун кароо максатында 25-апрель күнү анын иши прокуратурага жөнөтүлгөн", — деп ЖАМКтан айтышты. 

Түлеев эки ирет амнистияга дал келип, ага коюлган 35 миллион айыпты толук төлөгөн соң эркиндикке чыкты. Ал абакта төрт жыл отурду. 

2013-жылы Ленин райондук соту Түлеевди 2008-жылы Кытайдан автобустарды алып келүүдө коррупцияга катыштыгы бар, шаардагы бала бакчанын имаратын саткан жана муниципалдык 200 миллион сомдук облигацияны чыгарууда кызматынан кыянаттык менен пайдаланган деген айып менен 11-жылга эркинен ажыраткан. Андан соң райондук соттун чечими арызданылып, ишти Бишкек шаардык соту караган. Шаардык сот биринчи инстанциянын чечимин күчүндө калтырган. Иш Жогорку сотто да каралып, соттук коллегия бир аз өзгөртүү киргизип, 11-жыл жаза өткөрүүнү күчүндө калтырган. Андан сырткары акчалай айып салган. 

Тема:
Нариман Түлеевдин бошотулушу (9)

Тема боюнча

Өмүр бою эркинен ажыратылгандар кармала турган түрмөнүн биринчи корпусу салынды
Белгилер:
жаза, мөөнөт, Нариман Тюлеев

ЭҢ МААНИЛҮҮ