14:06 20 Аяк оона 2021
Түз эфир
  • USD84.7772
  • EUR99.8421
  • RUB1.1684
Сүрөт

"Оскарга" көрсөтүлгөн "Көк серек". Океевди 100гө чыгарбаган тасмадагы сүрөттөр

Кыскача шилтеме алуу
463 0 0
  • Народный артист СССР Толомуш Океев на съемках фильма Лютый (Көк серек). 1973-год
  • Народный артист СССР Суймонкул Чокморов на съемках фильма режиссера Толомуша Океева Лютый (Көк серек). 1973-год
  • Режиссер Толомуш Океев и актер Суймонкул Чокморов на съемках фильма Лютый (Көк серек). 1973-год
  • Народный артист СССР Толомуш Океев (слева) на съемках фильма Лютый (Көк серек). 1973-год
  • На съемках фильма режиссера, Народного артиста СССР Толомуша Океева Лютый (Көк серек). 1973-год
  • На съемках фильма режиссера, Народного артиста СССР Толомуша Океева Лютый (Көк серек). 1973-год
  • Народный артист СССР Суймонкул Чокморов на съемках фильма режиссера Толомуша Океева Лютый (Көк серек). 1973-год
  • Тасма тартуу маалында бош боло калганда колуна сыясын, кагазын алып сүрөт тарткан залкар актёр
© Sputnik / Александр Федоров
"Көк серек" тасмасынын көпчүлүк бөлүгү Казакстандын Иле өрөөнүндө тартылган

Быйыл "Кыргызфильмдин" 80 жылдыгы белгиленет. Sputnik Кыргызстан агенттиги ата мекендик киночулар жараткан мыкты эмгектердеги ирмемдерди сунуштоону улантат.

СССРдин эл артисти Төлөмүш Океев 1973-жылы "Казакфильмдин" чакыруусу менен белгилүү жазуучу Мухтар Ауэзовдун чыгармасынын негизинде "Көк серек" көркөм тасмасын тартууга киришет. Анын сценарийин Андрей Кончаловский менен Эдуард Тропинин жазып, операторлук милдетти Кадыржан Кыдыралиев аткарган.

Фильмде карышкырдын ийнинен алынган бөлтүрүк менен кичинекей Курмаштын ортосундагы мамиле көрсөтүлгөн. Кийин ал жырткыч чоңоюп качып кетет. Күндөрдүн биринде ал куралчан аңчылардын огунан жарадар болуп өзү чоңойгон сарайга кайра келген. Ошол жерден Курмаш эски досуна жардам берүүгө аракет кылат, бирок "бөрү баласы ит болбойт" дегендей, карышкыр кайра өзүнө кол салып талап коёт.

Көзү тирүү кезинде Төлөмүш Океев ошол учурду эскерип жатып, эгер мен 100 жашка чыкпай калсам, күнөөнү ушул тасмадан көргүлө деп айткан жайы бар.

"Көк серек" тасмасынын сценарийин Андрей Кончаловский экөөбүз жазганбыз, менин эң оор фильмдеримдин бири. Анда ак кар, көз муз баскан тоодо, жапайы карышкырлар менен тартканбыз. Эгер мен 100 жашка чейин жашабай калсам, күнөөнү ушул тасмадан көргүлө. Бирок мен аны тартканыма эч качан өкүнбөйм. Бул эмгегим дүйнөдөгү эң мыкты кино сынчылардын сунушу менен "Оскар" сыйлыгына көргөзүлгөн. Ал тизмеде италиялык Федерико Феллини, япониялык Акира Куросаванын кинокартиналары дагы бар эле. Андан башка "Көк серек" Италияда "Алтын альп бутагы" сыйлыгын жана башка фестивалдардан чемодан толо сыйлык, дипломдорго татыды", — деген режиссёр.

Киночулар ээн талаада, тоодо оор шартта иштешип, мыкты эпизоддорду жаратууга жетишкен. Мисалы, карышкырлардын түндө короодогу койго кол салганы, караңгыга карабай өспүрүмдүн малын сактап калуу үчүн жан далбастаган эпизоду бар. Аны камерага түшүрүп калуу үчүн кинематографисттер аймактагы мыкты аңчыларды чогултуп сарайдын тегерегин кайтартып, Океев дагы аскердик ок атуучу куралды колунан түшүрбөй көтөрүп жүргөн. Анткени койго атырылган жырткычтар чыгармачыл топко дагы тап бериши толук мүмкүн болчу.

Казакстандын Иле өрөөнүндө тартылган Океевдин ал кинофильми мыкты советтик 100 тасманын катарына кирген. Ага кичинекей Камбар Валиев, Сүймөнкул Чокморов, Алиман Жанкорозова, Каргамбай Сатаев, Нуржуман Ихтымбаев, Мухамедкали Таванов өңдүү кыргыз, казак актёр, актрисалары катышкан.

Тема боюнча

Окуудан киного качкан Чоро. Актёр Думанаевдин чыгармачылыгындагы ирмемдер
Ар бир эпизоду "сүйлөп" турат. "Алтын күздөгү" кызыктуу ирмемдер
Белгилер:
режиссер, Төлөмүш Океев, сүрөт, "Көк серек" тасмасы

Дагы сүрөт түрмөктөрү

ЭҢ МААНИЛҮҮ