21:14 16 Аяк оона 2021
Түз эфир
  • USD84.7960
  • EUR99.8176
  • RUB1.1707
Окуялар
Кыскача шилтеме алуу
34101

Аскер кызматкери кечээ кыргыз-тажик чек арасындагы атышууда каза болгон. Сөөк "Кайрагач" көзөмөл-өткөрүү жайы аркылуу алып келинди.

БИШКЕК, 9-июл. — Sputnik. Кыргыз-тажик чек арасында куралдуу кол салуудан каза болгон кыргызстандык сержант Хуснидин Хожиевдин сөөгү Кыргызстанга алып келинди. Бул тууралуу УКМКнын Чек ара кызматы билдирди.

Жоокердин табыты саат 22.30да Баткен гарнизонунун Аскер прокуратурасынын кызматкерлери менен Чек ара кызматынын Баткен облусу боюнча башкармалыгынын өкүлдөрүнүн коштоосунда кыргыз-тажик чек арасындагы "Кайрагач" көзөмөл-өткөрүү жайы аркылуу алып келинген.

Ал эми тажик аскерлери кармаган кыргызстандык дагы бир жоокерди кайтаруу боюнча Кыргызстан менен Тажикстандын чек ара өкүлдөрүнүн сүйлөшүүлөрү уланып жатат.

Ошондой эле 19:18дер чамасында Чашмагилдан ашуусунда кыргыз тарапка үч кызматтык ат жабдыктары менен өткөрүп берилген.

Белгилей кетсек, кечээ, 8-июлда, саат 17:00дөр чамасында Баткен облусунун Лейлек районунун аймагындагы Чашмагилдан ашуусунда Кыргызстандын чек ара нарядына тажик тарап күтүүсүз жерден кол салган. Мындан улам аскерлердин ортосунда атышуу болуп, Кыргызстандын Чек ара кызматынын 27 жаштагы аскери Хуснидин Хожиев курман болгон

Тема боюнча

Кыргыз-тажик чек арасында окко учкан аскердин сөөгүн Тажикстан аркылуу алып келишет
Кыргызстан тажик тараптан кармап кеткен чек арачыны кайтарып берүүнү талап кылды
Белгилер:
Кыргызстан, Тажикстан, чек ара, Аскер, өлүм, сөөк

ЭҢ МААНИЛҮҮ