БИШКЕК, 22-окт. — Sputnik. Ысык-Көлдөгү жол кырсыгынан израилдик 60 жаштагы жаран каза болгонун Sputnik Кыргызстан агенттигинин кабарчысына облустук ИИБден билдиришти.
Окуя 21-октябрь күнү болжол менен 16.30дар чамасында Каркыра жайлоосуна бара жаткан жолдо болгон.
"Honda CRV унаасынын айдоочусу рулду башкара албай калып, машина аласалып кеткен. Ичиндеги 60 жаштагы израилдик киши каза болуп, жанындагы кыргызстандык аял ооруканага жеткирилди", — деп айтылат билдирүүдө.
Аталган факты боюнча экспертизалар жүргүзүлүүдө.
