19:20 06 Бештин айы 2019
Түз эфир
  • USD69.8490
  • EUR77.5883
  • RUB1.0962
Маданият

Балыкчынын шамалында тамеки тиштеген Аринбасарова. "Уландагы" таберик сүрөт

Кыскача шилтеме алуу
"Таберик сүрөт" — сейрек кездешкен ирмемдер (86)
685 0 0
Режиссер Толомуш Океев, актриса Наталья Аринбасарова и другие актеры во время съемки фильма Улан в Балыкчи. 1977-год
© Александр Федоров.

Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндоону улантат.

Тон кийген белгилүү режиссер Төлөмүш Океев, чылым тиштеген СССРдин мамлекеттик сыйлыгынын лауреаты, актриса Наталья Аринбасарова жана башка киночулардын сүрөтү 1977-жылы Рыбачье (азыркы Балыкчы) шаарында тартылган.

Ал жылы Океев өзүнүн "Улан" тасмасын тартып, ага кыргыздын бир топ чыгаан инсандары катышкан.

Ошол учурду фотограф Александр Федоров мындайча эскерет:

"Океев менен "Улан" тасмасында чогуу иштешип, аны азыркы Балыкчы шаарында тартып калдык. Ызгарлуу декабрь айы болчу, Улан шамалы да ыркырап турган. Биз от жагып, тон кийип колдон келишинче жылынууга аракет кылчу элек. Чындыгында кээде кино жаратуу иши чыгармачыл топту чоң сыноолорго салат. Мисалы, аба ырайынын кескин өзгөрүшүнө карабай убагында жарык берилип, актерлордун бети гриммделип, камеранын пленкасы айланып, фотоаппарат дайым даяр турушу керек. Сүрөттөгү учур ээн талаадагы темир жолдун боюнда тартылган. Анда башкы каарман Сүймөнкүл Чокморовдун аялынын ролун Наталья Аринбасарова аткарган. Сценарий боюнча ал жолдошунун түрмөгө түшүп калганына байланыштуу кара жанын жана балдарын багыш үчүн темир жолдо иштей баштаган. Ошол эпизодду шамалы басылбаган Балыкчыда ызгарлуу декабрь айында тартканбыз", — деди Федоров.

Аталган тасмада Сүймөнкул Чокморов, Вацлав Дворжецский, Асанкул Куттубаев, Арсен Өмүралиев, Советбек Жумадылов, Жапар Садыков, Наталья Аринбасарова, Жамал Сейдакматова, Гүлсара Ажыбекова, Леонтий Полохов, Мария Курманалиевалар образ жараткан.

1978-жылы Еревандагы Бүткүл союздук XI кинофестивалда Төлөмүш Океев мыкты режиссёрлук иши, ал эми Сүймөнкүл Чокморов эркектин ролун өтөсүнө чыгара аткаргандыгы үчүн сыйлыкка ээ болгон. Мындан сырткары, Ташкенттеги Азия, Африка, Латын Америка өлкөлөрүнүн V эл аралык кинофестивалында ошол эле номинациялар боюнча жеңишке жетишкен.

Тема:
"Таберик сүрөт" — сейрек кездешкен ирмемдер (86)

Тема боюнча

Чарчаган Шамшиевдин жанындагы суйкайган Темирова. "Ак кемедеги" таберик сүрөт
Ыйлаган Жумадыловду жөлөгөн Кутманалиев. "Көздүн карегиндеги" таберик сүрөт
Чокморов Аринбасарованы эмнеге "таарынтты"? "Уландагы" таберик сүрөт
Усубалиевди тынчсыздандырган Фрунзедеги фестиваль. Таберик сүрөт
Белгилер:
таберик сүрөт, "Улан" тасмасы, Төлөмүш Океев, Кыргызстан

Дагы инфографика

ЭҢ МААНИЛҮҮ