Кытайда эми куш тумоосу тарап, 18 миң канаттуу жок кылынды

© Sputnik / Анна Раткогло / Медиабанкка өтүүСитуация в Пекине в связи с эпидемией коронавируса
Ситуация в Пекине в связи с эпидемией коронавируса - Sputnik Кыргызстан
Жазылуу
Жергиликтүү бийлик илдетти жайылтпоо максатында 17,8 миң үй канаттуусун жок кылды. Куш тумоосун киши жугузуп алган учур каттала элек.

БИШКЕК, 2-фев. — Sputnik. Коронавирус илдетинин очогу болгон Хубэй провинциясынын түштүк тарабы менен чектешкен Хунань провинциясында куш тумоосунун жогорку патогендүү H5N1 түрү аныкталды. Бул туурасында РИА Новости Кытайдын Айыл чарба министрлигине шилтеме берип жазды.

Тамактануучу жай. Архив - Sputnik Кыргызстан
Россия региондорунда тамактануучу жайлар коронавируска каршы дезинфекцияланат
Мындай учур Шаоян шаарындагы Шуанцин районундагы фермалардын биринде катталган. Ишканада бройлер-жөжөлөр багылат. Ал жактагы 7850 үй канаттуунун 4500үнө оору жугуп, өлүп калган. 

Жергиликтүү бийлик илдетти жайылтпоо максатында 17,8 миң үй канаттуусун жок кылды. Куш тумоосун киши жугузуп алган учур каттала элек.

Дүйнөлүк саламаттык сактоо уюмунун (ДСУ) маалыматы боюнча, A(H5N1) тумоосу менен биринчи жолу 1997-жылы Гонконгдун тургундары ооруган. Дарттын кесепетинен алты киши көз жумган. Вирус 2003-жылы кайрадан пайда болуп, аны жугузуп алгандар Кытай менен Гонконгдо катталган. 2003-жылдын 5-майынан 2014-жылга чейин 15 өлкө ДСУга куш тумоосуна кабылган 665 адам тууралуу кабар берген. Бул убакыт аралыгында H5N1 вирусунан 392 адам көз жумган.

Жаңылыктар түрмөгү
0