08:44 24 Тогуздун айы 2019
Түз эфир
  • USD69.8230
  • EUR77.6292
  • RUB1.0944
КРдин вице-премьер министри Алтынай Өмүрбекова
© Sputnik / Табылды Кадырбеков

Өмүрбекова: I топтогу майып балдардын ата-энесине айлык төлөнүп баштайт

Радио
Кыскача шилтеме алуу
166 0 0

КРдин вице-премьер министри Алтынай Өмүрбекова ноябрь айынан баштап I топтогу майып балдардын ата-энесине айлык чегерилээрин, анын суммасы 4962 сом болоорун айтты.

Быйылкы жылдын ноябрь айынан баштап мүмкүнчүлүгү чектелген балдардын ата-энелерине,  баланы караган жакынына же багуучусуна мамлекет тарабынан айлык акы төлөнөт. Мындай балдардын саны республика боюнча 6000ге чукул. Бул тууралуу Алтынай Өмүрбекова Sputnik Кыргызстан радиосунун эфиринде маек куруп жатып билдирди.

Анын айтымында, төлөнүүчү каражаттын суммасы 4 962 сомду түзөт.

"Ушул жылдын ноябрь айынан тарта I топтогу майып балдардын ата-энесине айына айлык акы төлөнүп баштайт. Алардын саны учурда 6000 экен. Бул маселе көп жылдан бери айтылып келди эле, эми ишке ашуу алдында турат. Айлык баланы ким караса, ошол адамга чегерилет. Ал  энеси, атасы же башка жакындары болушу мүмкүн. Эгер баланы атайын багуучу караса, ал адам маянаны алып турууга укуктуу болот. Азырынча берилүүчү каражат 4962 сом деп бекитилди, бул сумманы жылдан-жылга көбөйткөнгө аракет кылабыз", — деди Өмүрбекова.

Аткаминер айым бул долбоорго  өкмөттүн казынасынан жылына 400 миллион сом керектелээрин кошумчалады.

Тема боюнча

Турганбаева: 9 айда 61 997 ымыркайга сүйүнчү пул чегерилди
Белгилер:
маяна, ата-эне, майыптар, Алтынай Өмүрбекова

ЭҢ МААНИЛҮҮ