Кыргызстан менен Россия ветеринардык багытта кызматташууну күчөтөт: меморандумга кол коюлду
09:04 15.10.2026 (Жаңыртылды: 09:16 15.10.2026)
Кыргызстан менен Россия ветеринардык багытта кызматташууну күчөтөт: меморандумга кол коюлду
Жазылуу
Коноктор
Жайлообек Орозов, Суу ресурстары, айыл чарба жана кайра иштетүү өнөр жай министрлигине караштуу ветеринария, мал чарбасын, жайыттарды жана тоюттарды өнүктүрүү кызматынын алдындагы Арстанбек Дүйшеев атындагы Кыргыз ветеринардык илимий-изилдөө институтунун дирек
Арстанбек Дүйшеев атындагы Кыргыз ветеринардык илимий-изилдөө институту менен Россиянын Башкыр мамлекеттик агрардык университетинин ортосунда кызматташтык жөнүндө меморандумга кол коюлду. Бул тууралуу “Күн башат” уктуруусунда аталган институттун директору Жайлообек Орозов билдирди.Анын айтымында меморандумда ветеринария тармагындагы илимий изилдөөлөрдү өнүктүрүү, заманбап технологияларды өздөштүрүү, тажрыйба алмашуу жана жогорку квалификациялуу адистерди даярдоо каралган.“Бул меморандум Россия-Кыргызстан агрардык университеттеринин форумунун алкагында түзүлдү. Бул кызматташтык эки өлкөнүн ортосундагы тыгыз жана достук байланыштардын натыйжасы деп эсептейм. Аталган форумга Россия Федерациясынын Башкыр мамлекеттик агрардык университетинин өкүлдөрү да катышты. Окуу жайдын жетекчилиги менен жолугушуп, мындан аркы кызматташуунун негизги багыттарын талкууладык. Айрыкча, биргелешкен илимий изилдөөлөрдү жүргүзүү, айыл чарба жаныбарларындагы инфекциялык ооруларды диагностикалоо, алардын алдын алуу жана көзөмөлдөө багыттарында тажрыйба алмашуу биз үчүн абдан маанилүү. Анткени биологиялык коопсуздук жана азык-түлүк коопсуздугу түздөн-түз айыл чарба жаныбарларынын саламаттыгына байланыштуу. Мындан тышкары, окумуштуулардын академиялык алмашуусун жолго коюу, биргелешкен илимий долбоорлорду ишке ашыруу, изилдөөлөрдүн жыйынтыктарын талкуулоо максатында конференцияларды, семинарларды жана башка илимий иш-чараларды үзгүлтүксүз уюштуруп туруу пландалууда”, — деди Орозов.Ошондой эле ал мындай кызматташтык эки өлкөнүн агрардык илим тармагындагы байланыштарды мындан ары да бекемдөөгө чоң мүмкүнчүлүк түзөрүн кошумчалады.
