https://sputnik.kg/20260810/aldamchylykka-karshy-borbor-tuzuu-sunushtaldy-1102906065.html
Кыргызстанда алдамчылыкка каршы атайын борбор түзүү сунушталды
Кыргызстанда алдамчылыкка каршы атайын борбор түзүү сунушталды
Sputnik Кыргызстан
БИШКЕК, 10-авг. — Sputnik. Кыргызстанда алдамчылыкты алдын алуу боюнча бирдиктүү система түзүү сунушталууда. Жогорку Кеңештин депутаты Дастан Бекешев... 10.08.2026, Sputnik Кыргызстан
2026-08-10T17:00+0600
2026-08-10T17:00+0600
2026-08-10T17:00+0600
кыргызстан
мыйзам долбоору
алдамчылык
дастан бекешев
парламент
коомдук талкуу
https://sputnik.kg/img/07e9/0b/0b/1097777600_0:0:1280:720_1920x0_80_0_0_042f9cf15e82d2139371fa81f7475a58.jpg
БИШКЕК, 10-авг. — Sputnik. Кыргызстанда алдамчылыкты алдын алуу боюнча бирдиктүү система түзүү сунушталууда. Жогорку Кеңештин депутаты Дастан Бекешев демилгелеген мыйзам долбоору коомдук талкууга коюлду. Ага ылайык, Ички иштер министрлигинин алдында алдамчылыкты алдын алуу боюнча атайын борбор түзүү каралган. Ал жакта жарандардын алдамчылык тууралуу билдирүүлөрү кабыл алынып, шектүү телефон номерлер, сайттар, шилтемелер, аккаунттар, жарнамалар жана төлөм реквизиттери талданат. Ошондой эле алдамчылык тобокелдиктери жөнүндө атайын реестр түзүлөт. Борбордун маалыматтары банктарга, төлөм уюмдарына, байланыш операторлоруна жана санариптик платформаларга жөнөтүлүшү мүмкүн. Алар өз ыйгарым укуктарынын чегинде шектүү аракеттерди текшерип, тиешелүү чараларды көрүшөт. Реестрге киргизилген маалымат адамды автоматтык түрдө күнөөлүү деп таанууга негиз болбойт. Борбор өз алдынча банктык эсептерди бөгөттөй албайт, мүлккө камак сала албайт же санариптик ресурстарды жаба албайт. Ошондой эле маалыматтары реестрге киргизилген жарандар маалыматты оңдоону же реестрден чыгарууну талап кылууга жана борбордун чечимдерине даттанууга укуктуу болот. Мыйзам долбоорунун негизги максаты — алдамчылык фактысы болгондон кийин гана чара көрбөстөн, шектүү схемаларды эрте аныктап, жарандарга алдын ала эскертүү берүү. Анда калктын финансылык, санариптик жана укуктук сабаттуулугун жогорулатуу боюнча профилактикалык иштерди жүргүзүү да каралган. Мындан тышкары, Улуттук банкка банктарга, банктык эмес финансы-кредиттик уюмдарга жана төлөм уюмдарына алдамчылык операцияларын алдын алуу, аныктоо жана бөгөт коюу боюнча милдеттүү талаптарды белгилөө укугун берүү сунушталууда.
https://sputnik.kg/20260613/zheke-kartalarga-akcha-chogultuuga-tyyuu-saluu-sunushtaldy-1101858163.html
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, мыйзам долбоору, алдамчылык, дастан бекешев, парламент, коомдук талкуу
кыргызстан, мыйзам долбоору, алдамчылык, дастан бекешев, парламент, коомдук талкуу
БИШКЕК, 10-авг. — Sputnik. Кыргызстанда алдамчылыкты алдын алуу боюнча бирдиктүү система түзүү сунушталууда. Жогорку Кеңештин депутаты Дастан Бекешев демилгелеген мыйзам долбоору коомдук талкууга коюлду.
Ага ылайык, Ички иштер министрлигинин алдында алдамчылыкты алдын алуу боюнча атайын борбор түзүү каралган. Ал жакта жарандардын алдамчылык тууралуу билдирүүлөрү кабыл алынып, шектүү телефон номерлер, сайттар, шилтемелер, аккаунттар, жарнамалар жана төлөм реквизиттери талданат. Ошондой эле алдамчылык тобокелдиктери жөнүндө атайын реестр түзүлөт.
Борбордун маалыматтары банктарга, төлөм уюмдарына, байланыш операторлоруна жана санариптик платформаларга жөнөтүлүшү мүмкүн. Алар өз ыйгарым укуктарынын чегинде шектүү аракеттерди текшерип, тиешелүү чараларды көрүшөт.
Реестрге киргизилген маалымат адамды автоматтык түрдө күнөөлүү деп таанууга негиз болбойт. Борбор өз алдынча банктык эсептерди бөгөттөй албайт, мүлккө камак сала албайт же санариптик ресурстарды жаба албайт. Ошондой эле маалыматтары реестрге киргизилген жарандар маалыматты оңдоону же реестрден чыгарууну талап кылууга жана борбордун чечимдерине даттанууга укуктуу болот.
Мыйзам долбоорунун негизги максаты — алдамчылык фактысы болгондон кийин гана чара көрбөстөн, шектүү схемаларды эрте аныктап, жарандарга алдын ала эскертүү берүү. Анда калктын финансылык, санариптик жана укуктук сабаттуулугун жогорулатуу боюнча профилактикалык иштерди жүргүзүү да каралган.
Мындан тышкары, Улуттук банкка банктарга, банктык эмес финансы-кредиттик уюмдарга жана төлөм уюмдарына алдамчылык операцияларын алдын алуу, аныктоо жана бөгөт коюу боюнча милдеттүү талаптарды белгилөө укугун берүү сунушталууда.
