Энелердин майрамын утурлай. Өлкөнүн өнүгүүсүнө салым кошкон мыктылардын сүрөтү
Энелердин майрамын утурлай. Өлкөнүн өнүгүүсүнө салым кошкон мыктылардын сүрөтү
Sputnik Кыргызстан
Май айынын үчүнчү жекшембисинде өлкө аймагында Энелер күнү белгиленет. Бул датага утурлай Sputnik Кыргызстан агенттиги сыртта мамлекеттин ишин кылып, үйдө... 20.05.2023, Sputnik Кыргызстан
Коомдук-саясий окуяларга активдүү катышып, эл башкаргандардын сап башында Алай ханышасы - Курманжан датка, Кыргыз ССРинин Министрлер кеңешинин төрагасынын орун басары, мурдагы тышкы иштер министри Жамал Ташыбекова, 22 жыл Маданият министрлигин жетектеген Күлүйпа Кондучалова, Кыргыз ССРинин социалдык камсыздоо министри болуп 25 жыл иштеген Батыш Салиева, Кыргыз ССРинин Тышкы иштер министрлигин 17 жылдан ашык башкарган Сакин Бегматова, Кыргызстандын экс-президенти Роза Отунбаева бар.Ал эми маданият, искусство, билим берүү, айыл чарба тармагына эмгек сиңиргендердин арасына актриса Сабира Күмүшалиева, кыргыздан чыккан биринчи стенографист Айша Карасаева, опера ырчы Сайра Кийизбаева, Кайыргүл Сартбаева, Социалисттик эмгектин баатыры, кызылчачы Зууракан Кайназарова, таланттуу актриса Таттыбүбү Турсунбаева, комузчу Самара Токтакунованы кошууга болот.Эске сала кетсек, Кыргызстанда аталган дата президенттин жарлыгы менен 2012-жылдан бери белгиленүүдө.Тема боюнча:— Дүйнөлүк ачылыштарга катышкан кыргызстандык илимпоздор. Сүрөт түрмөк— Тыным көрбөгөн кыз-келиндер менен балдар. Кыргызстандын Улуу Жеңишке кошкон салымы
Май айынын үчүнчү жекшембисинде өлкө аймагында Энелер күнү белгиленет. Бул датага утурлай Sputnik Кыргызстан агенттиги сыртта мамлекеттин ишин кылып, үйдө уул-кыз тарбиялаган ак элечек, ак жоолукчан апалардын сүрөттөрүн сунуштайт.
Коомдук-саясий окуяларга активдүү катышып, эл башкаргандардын сап башында Алай ханышасы - Курманжан датка, Кыргыз ССРинин Министрлер кеңешинин төрагасынын орун басары, мурдагы тышкы иштер министри Жамал Ташыбекова, 22 жыл Маданият министрлигин жетектеген Күлүйпа Кондучалова, Кыргыз ССРинин социалдык камсыздоо министри болуп 25 жыл иштеген Батыш Салиева, Кыргыз ССРинин Тышкы иштер министрлигин 17 жылдан ашык башкарган Сакин Бегматова, Кыргызстандын экс-президенти Роза Отунбаева бар.
Ал эми маданият, искусство, билим берүү, айыл чарба тармагына эмгек сиңиргендердин арасына актриса Сабира Күмүшалиева, кыргыздан чыккан биринчи стенографист Айша Карасаева, опера ырчы Сайра Кийизбаева, Кайыргүл Сартбаева, Социалисттик эмгектин баатыры, кызылчачы Зууракан Кайназарова, таланттуу актриса Таттыбүбү Турсунбаева, комузчу Самара Токтакунованы кошууга болот.
Эске сала кетсек, Кыргызстанда аталган дата президенттин жарлыгы менен 2012-жылдан бери белгиленүүдө.
31 жашында Кыргыз ССРинин социалдык камсыздоо министри болуп, ал мекемени 25 жыл, республикалык кесиптер бирлигинин кеңешин жети жыл жетектеген Батыш Салиева
Күлүйпа Кондучалова 1953-жылы Министрлер кеңешинин төрагасынын орун басары болуп, ошол эле маалда Кыргыз ССРинин тышкы иштер министринин милдетин да аткарган. Кийин 22 жыл Маданият министрлигинин башында турган. Сүрөттө биргеликте бир уул, эки кызды тарбиялап өстүргөн жолдошу Абды Оролбаев менен
СССРдин эл артисттери – атактуу актриса Сабира Күмүшалиева, опера ырчы, залкар Сайра Кийизбаева жана көрүнүктүү мамлекеттик ишмер Күлүйпа Кондучалова. Кыргыз ССРиндеги аялдардын VIII съезди
Кыргыз улуттук академиялык драма театрында 100дөн ашык, кинодо ондогон роль аткарган СССРдин эл артисти Даркүл Күйүкова. Токтогул атындагы мамлекеттик сыйлыктын лауреаты төрт уул, эки кызды тарбиялап өстүргөн
Кыргыз стенографиясынын негиздөөчүсү Айша Карасаева (Түмөнбаева) өмүрүн илимге арнап, далай эмгектерди жараткан. Сүрөттө ал жолдошу, атактуу илимпоз Кусеин Карасаев экөө небереси менен
Сахна ханышасы делген атактуу балерина Бүбүсара Бейшеналиева. Ал талыкпаган эмгегинин аркасында СССРдин эл артисти наамын алып, Токтогул Сатылганов атындагы мамлекеттик сыйлыгына татыган
КМШдан чыккан биринчи аял президент Роза Отунбаева кесиптештери менен. Азыр КРдин экс-президенти Бириккен Улуттар Уюмунун башкы катчысынын Афганстан боюнча атайын өкүлү жана БУУнун Афганстанга жардам көрсөтүү миссиясынын (UNAMA) жетекчиси болуп иштеп келет
