https://sputnik.kg/20230322/zhusupbek-korgonbay-uulu-ken-satyp-aldyby-1073798420.html
Депутат 520 миң долларга кен сатып алдыбы? Коргонбай уулу видеонун чоо-жайын айтты
Депутат 520 миң долларга кен сатып алдыбы? Коргонбай уулу видеонун чоо-жайын айтты
Sputnik Кыргызстан
Депутат бул окуя былтыр болгонун, анда ортого түшүп компанияны инвестор инилерине алып бергенин айтты. 22.03.2023, Sputnik Кыргызстан
2023-03-22T17:48+0600
2023-03-22T17:48+0600
2023-03-22T17:48+0600
кыргызстан
көмүр
кен
жусупбек коргонбай уулу
компания
сатып алуу
видео
https://sputnik.kg/img/07e6/05/18/1064643883_66:407:2983:2048_1920x0_80_0_0_337a0a61fd0f0c6f06aa0e036a8ccd37.jpg
БИШКЕК, 22-мар. — Sputnik. Жогорку Кеңештин депутаты Жусупбек Коргонбай уулу 520 миң долларга көмүр казган компанияны сатып алып жаткан видеонун чоо-жайы боюнча Sputnik Кыргызстан агенттигине айтып берди.Социалдык тармактарга депутат Ош шаардык Кайгуул милициянын нөөмөт бөлүмүнүн жетекчиси Болот Нурматов делген адам менен кол алышып, соодалашкан видеосу тараган.Ага компаниясын сатып жаткан адам видео коомчулукка чыгып кетпесин деп аябай тынчсызданып жатканын көрүүгө болот. Ош шаардык Кайгуул милициянын маалымат кызматы аларда Болот Нурматов аттуу кызматкер иштей турганын тастыктады. Бирок видеодогу киши ошолбу же жокпу айта алышкан жок.Ал эми Коргонбай уулу бул окуя былтыр болгонун, депутат катары ортого түшүп, компанияны инвестор инилерине алып бергенин айтты. Аталган кен Баткен облусунун Кадамжай районундагы "Бел-Алма" көмүр кенинин жанында жайгашкан."Бул фирманы эки адам талашып жүргөн экен. Бирок Болот Нурматов дегенден алды, анын бүт тиешелүү документтери болгон. Компанияны өзүмдүн атыма каттатып же мен барып көмүр казып жаткан жерим жок. Видеодо мен ортомчу эле болгом, кагазга жазылганды караш керек да. Саткан кишилер ноокаттык жердештерим болгону үчүн ортого түшүп алып бердим", — деди эл өкүлү.Белгилей кетсек, мыйзам боюнча Жогорку Кеңештин депутаттарына ишкерлик менен алектенүүгө тыюу салынат.
https://sputnik.kg/20230316/deputattar-ziyadin-zhamaldinovdun-otstavkasy-1073629332.html
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, көмүр, кен, жусупбек коргонбай уулу, компания, сатып алуу, видео
кыргызстан, көмүр, кен, жусупбек коргонбай уулу, компания, сатып алуу, видео
Депутат 520 миң долларга кен сатып алдыбы? Коргонбай уулу видеонун чоо-жайын айтты
Депутат бул окуя былтыр болгонун, анда ортого түшүп компанияны инвестор инилерине алып бергенин айтты.
БИШКЕК, 22-мар. — Sputnik. Жогорку Кеңештин депутаты Жусупбек Коргонбай уулу 520 миң долларга көмүр казган компанияны сатып алып жаткан видеонун чоо-жайы боюнча Sputnik Кыргызстан агенттигине айтып берди.
Социалдык тармактарга депутат Ош шаардык Кайгуул милициянын нөөмөт бөлүмүнүн жетекчиси Болот Нурматов делген адам менен кол алышып, соодалашкан видеосу тараган.
"Кудай буюрса кол алыштык ээ. "Ысман-Тоо" компаниясынын 100 пайыздык үлүшүн мага 520 миң долларга сатты, мен алдым. Мен кийин айныбайм, сиз дагы айныбаңыз. Ыраазысызбы? Бул видео өзүмдүн телефонума тартылып жатат, эч жакка чыкпайт", — деп сүйлөгөн Коргонбай уулу.
Ага компаниясын сатып жаткан адам видео коомчулукка чыгып кетпесин деп аябай тынчсызданып жатканын көрүүгө болот. Ош шаардык Кайгуул милициянын маалымат кызматы аларда Болот Нурматов аттуу кызматкер иштей турганын тастыктады. Бирок видеодогу киши ошолбу же жокпу айта алышкан жок.
Ал эми Коргонбай уулу бул окуя былтыр болгонун, депутат катары ортого түшүп, компанияны инвестор инилерине алып бергенин айтты. Аталган кен Баткен облусунун Кадамжай районундагы "Бел-Алма" көмүр кенинин жанында жайгашкан.
"Бул фирманы эки адам талашып жүргөн экен. Бирок Болот Нурматов дегенден алды, анын бүт тиешелүү документтери болгон. Компанияны өзүмдүн атыма каттатып же мен барып көмүр казып жаткан жерим жок. Видеодо мен ортомчу эле болгом, кагазга жазылганды караш керек да. Саткан кишилер ноокаттык жердештерим болгону үчүн ортого түшүп алып бердим", — деди эл өкүлү.
Белгилей кетсек, мыйзам боюнча Жогорку Кеңештин депутаттарына ишкерлик менен алектенүүгө тыюу салынат.
16 Жалган Куран 2023, 11:15
