Радиостудия Sputnik Кыргызстан в Бишкеке - Sputnik Кыргызстан, 1920
Радио

Калкты медициналык камсыздандыруу алууга милдеттендирүү эмне үчүн маанилүү?

© Sputnik / Асель СыдыковаМенчик камсыздандыруу компаниясынын жетекчиси Эрнис Абдыкеев
Менчик камсыздандыруу компаниясынын жетекчиси Эрнис Абдыкеев  - Sputnik Кыргызстан, 1920, 03.03.2023
Жазылуу
Менчик камсыздандыруу компаниясынын жетекчиси Эрнис Абдыкеев мамлекеттин жарандарды медициналык камсыздандыруу полисин алууга милдеттендирүүгө толук укугу бар экенин айтты.
Жеке менчик камсыздандыруу компаниялары ыктыярдуу түрдө кыргызстандык жана чет өлкөлүк жарандарга медициналык камсыздандыруу полисин берет. Алар компания кызматташуу боюнча келишим түзгөн ооруканаларына барып көрүнөт. Бирок полистин баасы кыйла жогору. Ошого жараша кызмат көрсөтүүнүн деӊгээли да мыкты болот. Бул тууралуу Эрнис Абдыкеев Sputnik Кыргызстан радиосунун эфиринде маек куруп жатып билдирди.
Калкты медициналык камсыздандыруу алууга милдеттендирүү эмне үчүн маанилүү?
Анын айтымында, учурда калктын 25 пайызы (1 миллион 700 миӊ киши) камсыздандыруу полисин алган эмес.
"Жогорку Кеңештин депутаттары "Кыргыз Республикасындагы жарандарды медициналык камсыздандыруу жөнүндө" мыйзамга өзгөртүүлөрдү киргизүү тууралуу мыйзам долбоорун экинчи окууда кабыл алышты. Анда мыйзамга ылайык, Кыргызстандын жарандары эмгекке жарамдуу куракка жеткенде, 16 жаштан баштап милдеттүү медициналык камсыздандыруу алууга милдеттендирилет. Бул — кыргызстандыктар үчүн абдан туура чечим. Себеби мамлекеттик камсыздандыруу полисин сатып алып, Милдеттүү медициналык камсыздандыруу фондуна каражат төлөгөндөр жана төлөбөгөндөр деле мамлекеттик ооруканаларда түзүлгөн шартты бирдей эле колдонуп жатышат. Бул укуктук жана адитеттүүлүк жагынан алганда туура эмес болуп жатат. Чет мамлекеттерди ала турган болсок, мисалы, өнүккөн Германияда ММКФ системасы Отто фон Бисмарктын убагында (1980-жылдар) эле кирген. Адамдар 2007-жылдан баштап тапкан кирешесине жараша камсыздандыруу үчүн акча төлөп келишет. Түркияда да ушундай система иштейт. Азыр эми биздин мамлекеттик ооруканалардын (180дин тегерегиндеги оорукана, 1000ден ашык ФАП) абалы абдан начар. Жаӊы жабдыктар менен камсыздоо, имаратты оӊдоо, шартын жакшыртуу үчүн каражат керек. Учурда калктын 25 пайызы (1 миллион 700 миӊ киши) камсыздандыруу полисин албайт экен. Булардын арасында аялуу катмарга кирген адамдар жок, ишкер, акчаны жакшы тапкандар көп деп ишенимдүү айта алам. Менимче, мамлекеттин бул адамдарды милдеттүү медициналык камсыздандыруу алууга милдеттендирүүгө толук укугу бар", — деди Абдыкеев.
Ал милдеттүү медициналык камсыздандыруу полисин алууга калкты 100 пайыз камтуу үчүн маалымат өнөктүгүн күчөтүү зарыл экенин кошумчалады.
Жаңылыктар түрмөгү
0