Султанбеков: Кыргызстанда белгилүү орус бренддеринин кийим-кечеси тигилет
© Sputnik / Асель Сыдыкова
Жазылуу
Expo Development компаниясынын жеӊил өнөр жай тармагынын башкы директорунун орун басары Ислам Султанбеков Кыргызстандын жеӊил өнөр жайы сапат жана көлөм жагынан да жакшы жыйынтыктарды көрсөтүп жатканын айтты.
Москвада өткөн "Караван Экспо 2022" аталышындагы кыргыз товарларынын жана кызматтарынын биринчи көргөзмөсү жеӊил өнөр жай тармагындагы кыргыз-орус соода алакасын бекемдеди. Бул тууралуу Ислам Султанбеков Sputnik Кыргызстан радиосунун эфиринде маек куруп жатып билдирди.
Султанбеков: Кыргызстанда белгилүү орус бренддеринин кийим-кечеси тигилет
Анын айтымында, Кыргызстанда белгилүү орус бренддеринин кийим-кечелери тигилип чыгат.
"2021-жылдан баштап Кыргызстандын жеӊил өнөр жай тармагы Россияга өтө ири көлөмдө товар экспорттоду. Мындан алты жыл мурун бизде тигилген кийимдер азыркыдай бааланган эмес. Учурда ишканалар атайын жабдыктар менен камсыз болуп, кийим-кече сапаттуу тигилип жатат. Сапаттан тышкары көлөм да өстү. Жумушчу күч, айлык-маяна жогорулады. Бул чөйрөдө бизге Кытай, Түркия, Өзбекстан атаандаш болууда. Бирок азыр биздин мамлекет катуу иштегендиктен Өзбекстанды өнөктөш катары эсептебей турган деӊгээлге жеттик. Биздин негизги кемчилик өзүбүздүн мээнетти баалабагандык болуп келген. Эл аралык иш-чараларга катышкандан кийин өз баркыбызды биле баштадык. "Караван Экспо 2022" иш-чарасынын жыйынтыгында Россиянын кийим бренддери кыргыз ишканалары менен иштешмек болду. Эми Кыргызстанда белгилүү орус бренддеринин кийим-кечелери тигилип чыгат. Россия Кыргызстандын негизги стратегиялык өнөктөшү. 2022-жылы эле өлкөлөр ортосундагы соода жүгүртүү дээрлик эки миллиард долларды түздү. Москвада өткөн "Караван Экспо 2022" аталышындагы кыргыз товарларынын жана кызматтарынын биринчи көргөзмөсү жеӊил өнөр жай тармагындагы кыргыз-орус соода алакасын дагы да бекемдеди", — деди Султанбеков.
Ал "Караван Экспо 2022" жарманкесинин алкагында 40тан ашык ата мекендик компания россиялык потенциалдуу өнөктөштөргө жана кардарларга өз продукциясын жана товарларын көрсөтө алганын кошумчалады.
