"Акыркы көч" тасмасы Сан-Паулодогу беделдүү сынакта ат салышат

© Фото / Дастан Жапар уулу"Акыркы көч" тасмасы кадрлары
Акыркы көч тасмасы кадрлары - Sputnik Кыргызстан, 1920, 12.10.2021
Жазылуу
Фильм буга чейин да бир катар эл аралык сыйлыктарга татыган. Аны Төлөмүш Океев атындагы "Кыргызфильм" улуттук киностудиясы менен "Билимкана" коомдук фонду тарткан.
БИШКЕК, 12-окт. — Sputnik. Кыргызстандык режиссёрлор Бакыт Мукул менен Дастан Жапар уулу тарткан "Акыркы көч" көркөм тасмасы Сан-Паулодогу эл аралык кинофестивалдын конкурстук программасына кирди. Бул тууралуу Маданият, маалымат, спорт жана жаштар саясаты министрлиги кабарлады.
Иш-чара 21-октябрдан 3-ноябрга чейин өтөт.
Дастан Жапар уулу тасма Түштүк Америкадагы беделдүү кинофестивалга тандалып алынганына сыймыктанып жатканын айткан.
"Биз уюштуруучуларга жана тандоо комиссиясына абдан ыраазыбыз. Дүйнөдөгү эң мыкты режиссерлордун башы бириккен ири кинофестивалга катышууга мүмкүнчүлүк бергениңиздерге рахмат", — деген жаш режиссер.
Mostra Internacional de Cinema de São Paulo же болбосо Mostra аталышы менен таанымал кинофестиваль 45 жылдан бери өтүп келет. Уюштуруучулар жыл сайын 300дөн ашуун тасманы маданий жайларда көрсөтүп келишет. Фестиваль алты багытта иш алып барат, анын ичинде режиссерлордун конкурсу каралган.
Көрүнүктүү мамлекеттик жана саясий ишмер Жусуп Абдрахманов. Архив - Sputnik Кыргызстан, 1920, 24.07.2021
Жусуп Абдрахмановго арналган тасманын сценарийине сынак жарыяланды
"Акыркы көч" көркөм тасмасын Төлөмүш Океев атындагы "Кыргызфильм" улуттук киностудиясы менен "Билимкана" коомдук фонду биргелешип тарткан. Бакыт Мукул менен Дастан Жапар уулу сценарийдин автору жана режиссёрлору болсо, Эльнура Осмоналиева продюсерлик кылып көмөктөшкөн.
Тасмага Марат Алышпаев, Шайыргүл Касымалиева, Бусурманкул Одуракаев, Анара Ажыканова, Калипа Үсөнова, Өмүрзак Токтомуратов жана Гүлсина Чотонова сыяктуу ата мекендик атактуу актёрлор тартылган. Анда улгайып калган белгилүү жазуучунун акыркы күндөрү чагылдырылат. Социалдык теңсиздик, жалпы маданият, искусство тармагында эмгектенген адамдардын камкордукка алынбаган абалы баяндалган.
Фильм бир катар эл аралык сыйлыктарга татыган.
Жаңылыктар түрмөгү
0
Алгач жаңыларыАлгач эскилери
loader