Мурдагы премьер-министр Жоомарт Оторбаев кармалды

© Sputnik / Табылды КадырбековПремьер-министр Кыргызской Республики Джоомарт Оторбаев провел совещание с руководителями министерств и ведомств по фактам жестокого обращения с детьми.
Премьер-министр Кыргызской Республики Джоомарт Оторбаев провел совещание с руководителями министерств и ведомств по фактам жестокого обращения с детьми. - Sputnik Кыргызстан, 1920, 16.09.2021
Жазылуу
НовостиTelegram
Жүргүзүлгөн тергөө иш-аракеттеринин жыйынтыгына жана алынган далилдерге таянып, 16-сентябрда тергөө Жоомарт Оторбаевди УКМКнын убактылуу кармоочу жайына киргизүү чечимин кабыл алган.

БИШКЕК, 16-сен. — Sputnik. "Кумтөр" кенин иштетүүдөгү коррупциялык фактылар боюнча козголгон кылмыш иштин алкагында мурдагы премьер-министр Жоомарт Оторбаев кармалды. Бул тууралуу УКМК билдирди.

Кумтөр алтын кени. Архив - Sputnik Кыргызстан, 1920, 16.09.2021
Кумтөр иши: Нью-Йорк соту Кыргызстанга санкция салуу арызын колдогон жок
Маалыматка караганда, УКМКнын ведомстволор аралык тергөө тобу "Кумтөр" кенин иштетүү долбоорун ишке ашыруунун ар кандай этабындагы коррупциялык фактылар боюнча козголгон кылмыш ишин иликтөөнү улантууда.

Жүргүзүлгөн тергөө иш-аракеттеринин жыйынтыгына жана алынган далилдерге таянып, 16-сентябрда тергөө Жоомарт Оторбаевди УКМКнын убактылуу кармоочу жайына киргизүү чечимин кабыл алган.

"Тергөөдө аныкталгандай, Оторбаев премьер-министр болуп турган кезде өкмөттүн алдындагы Курчап турган чөйрөнү коргоо жана токой чарбасы мамлекеттик агенттигинин "Кумтөр" кенинин башкы планынын алкагында айлана-чөйрөгө тийгизген таасирин баалаган комиссияга басым жасап, КР "Суу жөнүндө" кодексинин жана мыйзамынын талаптарын бузуу менен Кумтөр Голд Компанинин (Центера Голд Инк.) кызыкчылыгы үчүн буйрук чыгарып, Лысый жана Давыдов мөңгүлөрүн мындан ары жок кылууга макулдугун берген", — деп айтылат маалыматта.

Ведомстволор аралык тергөө тобу Оторбаев менен тергөө аракеттерин жүргүзүп, анын жыйынтыгы боюнча жакынкы 48 саатта Бишкек шаарынын Биринчи май райондук соту тарабынан бөгөт чарасы каралмакчы.

Жаңылыктар түрмөгү
0