БИШКЕК, 30-ноя. – Sputnik. АКШнын тургундары "арзандатуу жумасында" онлайн-сатып алууларга тогуз миллиард доллар коротту. Бул туурасында AP басылмасы жазды.
Коронавирус пандемиясынан улам америкалыктардын басымдуу бөлүгү арзандатуу күнүндө дагы үйүндө болуп керектүү буюм-тайымдарды интернет аркылуу сатып алышканы белгиленет.
Былтыркы "арзандатуу жумасында" АКШда 7,4 миллиард сомдук соода жүргүзүлсө, бул сумма 2018-жылы 6,2 миллиард долларды түзгөн.
Өткөн жылга салыштырмалуу быйыл бут кийим менен зер буюмдарга суроо-талап төмөндөгөн, деген менен тиричилик техникасы жана уюлдук каражаттар көп сатылган.
Эксперттер "кибер дүйшөмбү" күнү ("арзандатуу жумасынан" кийинки күнү онлайн-дүкөндөрдө сатып түгөтүү башталат) АКШнын онлайн соодасынын тарыхындагы рекорддук көрсөткүч болорун күтүп жатат. Америкалыктар бул учурда 10,8ден 12,7 миллиард долларга чейин жумшашы мүмкүн.
