БИШКЕК, 6-окт. — Sputnik. "Биримдик" саясий партиясы Жогорку Кеңештин шайлоосу кайра дайындалса катышууга даяр. Бул тууралуу партиянын маалымат катчысы Адилет Султаналиев Twitter баракчасы аркылуу билдирди.
Политическая партия "Биримдик" готова пойти на повторные выборы депутатов Жогорку Кенеша в случае их объявления. «Биримдик» призывает к этому и другие партии, преодолевшие 7% барьер.
— Adilet Sultanaliev (@AdiSultanaliev) October 5, 2020
Ал "Биримдик" партиясы шайлоодо жети пайыздык добуштан өткөн башка партияларды да ушундай чечим кабыл алууга чакырган.
Белгилей кетсек, 4-октябрда Кыргызстанда парламенттик шайлоо өтүп, автоматтык эсептөөчү аппараттын жыйынтыгы менен ЖКга "Биримдик", "Мекеним Кыргызстан", "Кыргызстан", "Бүтүн Кыргызстан" партиялары өткөн. Азыркы учурда кол менен эсептөө жүрүп жатат.
Жээнбеков партия лидерлери менен жолугушуусун саат 9.00гө жылдырды
Эске салсак, бүгүн түшкө чейин "Ала-Тоо" аянтында акырындан эл топтолуп, түштөн кийин шайлоодон утулуп калган сегиз партиянын башын бириктирген ири митингге айланган. Алар 4-октябрь күнү өткөн парламенттик шайлоонун жыйынтыгын тааныбай турганын айтып, адилеттүүлүктү талап кылды.
Кийин милиция кызматкерлери менен митингчилер ортосунда кагылышуу болуп, 122 адам жабыркаганы маалым болду.
