БИШКЕК, 6-окт. — Sputnik. Президент Сооронбай Жээнбеков эртең, 6-октябрда, парламенттик шайлоого катышкан 16 партиянын лидерлери менен жолугушуусун саат 11.00дөн 9.00гө жылдырды. Бул тууралуу өлкө башчынын маалымат кызматы кабарлады.
"Партия лидерлери саат 9.00гө чакыртылды", — деп айтылат маалыматта.
Жолугушуунун убактысы эмне себептен жылдырылганын маалымат кызматынан түшүндүрүшкөн жок.
Буга чейин жолугушуу саат 11:00гө белгиленгени айтылган эле.
Эске салсак, Бишкек шаарынын борбордук бөлүгүндө парламенттик шайлоонун жыйынтыгына нааразы болгон эл митингге чыккан. Милиция аларга бир нече сааттан бери каршылык көрсөтүүдө.
