БИШКЕК, 19-авг. — Sputnik. Америкада "Өлүм өрөөнү" деп аталган улуттук паркта Жер планетасындагы эң жогорку температура катталды. Бул тууралуу The New York Times билдирди.
Улуттук метеорологиялык кызматтын маалыматы боюнча, 16-августта өрөөндө абанын температурасы +54,4 градуска жетти. Соңку рекорд 2013-жылы ушул эле жерде катталып, күн 54 градуска чейин ысыган.
Метеорологдордун божомолуна ылайык, аптап АКШнын батыш жээгин каптап баратат. Анын айынан учурда Калифорнияда электр жарыгы өчүп, эми өрт дагы катталышы мүмкүндүгү божомолдонууда.
Адистердин айтымында, "Өлүм өрөөнүндөгү" мындай көрүнүштөр глобалдык жылуулуктун бир бөлүгүн көрсөтүп турат.
Билл Гейтс: бизди коронавирустан дагы чоң алаамат күтүп турат
Ал арада аба ырайы боюнча тарыхчы Кристофер Берт белгилегендей, Африкада 1931-жылы абанын температурасы 55 градуска чейин жеткен. Бирок бул колониалдык мезгилдеги маалымат анча ишенимсиз болушу мүмкүн. Ошондой эле учурдагы илимпоздор 1913-жылы "Өлүм өрөөнү" +56,6 градуска чейин ысыган деген божомолду четке каккан пикирлерин билдирип келишет.
