БИШКЕК, 27-янв. — Sputnik. АКШнын улуттук баскетбол ассоциациясынын беш жолку чемпиону Коби Брайант авиакырсыктан каза болду. Бул тууралуу "Известия" басылмасы кабарлады.
#BREAKING It's official - Former NBA legend Kobe #Braynt killed in helicopter crash in California pic.twitter.com/yg7HzyWvxS
— Guy Elster (@guyelster) January 26, 2020
Спортчунун 41 жашта экени айтылды.
Посмотреть эту публикацию в Instagram
"Калифорнияда кырсыктаган тик учактын ичинде сегиз адам бара жатканы аныкталды. Алардын арасында спортчунун 13 жаштагы кызы Жианна да бар эле. Авиакырсык 27-январга караган түнү коюу тумандан улам болгон", — деп жазылат билдирүүдө.
Посмотреть эту публикацию в Instagram
Алдын ала маалыматтар боюнча, Коби кызын алып, дагы бир өспүрүм кыз ата-энеси менен кошо оюнга бара жатышкан. Брайант Жианнаны баскетболчу катары даярдап, кызынын мектептеги командасын машыктырчу.
Посмотреть эту публикацию в Instagram
Коби Брайант — дүйнөлүк баскетболдун легендасына айланган адам. АКШнын улуттук баскетбол ассоциациясынын беш жолку чемпиону жана эң барктуу оюнчусу аталган. 1996-жылы "Лейкерс" командасына кирип, ошону менен 20 жыл бою аталган команданын курамында ойногон. Мындай туруктуулук менен эки гана кесипкөй спортчу сыймыктана алат. Алар — "Детройт Ред Уингз" хоккей командасынын капитаны Стив Айзерман жана "Нью-Йорк Янкиз" командасынын белгилүү бейсболчусу Дерек Жетер.
