БИШКЕК, 14-июн. — Sputnik. Казакстандын президенти Касым-Жомарт Токаев Кыргызстан Шанхай кызматташтык уюмунун саммитине төрагалык кылуунун жогорку деңгээлин көрсөткөнүн жыйындын кеңейтилген форматы учурунда билдирди.
Токаев катышуучуларды ШКУнун мүмкүнчүлүктөрүн колдоого, бекемдөөгө, башка уюмдар менен болгон мамилени чыңдоого жана биргеликте терроризмге каршы күрөшүүгө чакырды.
"Кыргызстан Шанхай кызматташтык уюмунун саммитине төрагалык кылуунун жогорку деңгээлин көрсөткөнүн белгилегим келип жатат. Биргеликте ШКУну эл аралык деңгээлдеги беделдүү уюмга айландырабыз деп ишенем", — деди Токаев.
ШКУга Кыргызстан, Россия, Казакстан, Өзбекстан, Тажикстан, Индия, Кытай, Пакистан мамлекеттери мүчө. Ал эми Белоруссия, Афганистан, Монголия жана Иран байкоочу макамына ээ.
Sputnik Кыргызстан агенттиги саммиттен тексттик транляция жүргүзүп жатат.
