БИШКЕК, 15-фев. — Sputnik. Быйыл зыяратчыларды ажылыкка каттоо жума күнү, 16-февралда, саат 17:00дө аяктай турганын муфтияттын маалымат кызматы билдирди.
Ага ылайык, мындай аракеттер ажылыкты уюштуруу боюнча убактылуу республикалык штабдын 13-февралдагы отурумунда кабыл алынган чечимине ылайык жасалууда.
"16-февралда кечки саат 17:00дө РСК банкына 500 АКШ долларын жана кайтарымсыз 1000 сомду кабыл алуу өлкө аймагы боюнча токтотулат", — деп айтылат маалыматта.
Ал эми жогорудагы каражаттарды өз учурунда төлөгөн жарандарды ажылык серверине каттоо иштери 23-февралда кечки саат 17:00гө чейин улантылат.
Быйыл зыяратчыларды ажылыкка Сауд Аравиянын Flynas авиакомпаниясы ташыйт.
Сауд Аравия Кыргызстан үчүн жалпысынан 5400 квота бөлгөн.
