Бишкектиктер батирлердин сууктугуна нааразы болуп жатышат. Аларга себеби түшүндүрүлдү

© SputnikОтключение отопления в Бишкеке
Отключение отопления в Бишкеке - Sputnik Кыргызстан
Жазылуу
Учурда шаттык температуралык режимди калыптандыруу иштери жүргүзүлүп жатат

БИШКЕК, 27-янв. — Sputnik. Жума күнү кечинде Бишкек шаарынын тургундары батирлердин суук болуп жатканын айта башташкан. Өздөрүнүн даттанууларын шаардыктар Sputnik Кыргызстан агенттигинин "Бишкек сегодня" деген аталыштагы Telegram группасына калтырышат. 

Өзгөчө 10,11 жана "Чыгыш-5" кичи райондорунун жашоочулары батареялардын адаттагыдан муздак болуп жатканын айтышууда.

Тазалык кызыматкерлери. Архив - Sputnik Кыргызстан
Үшүп калбаңыз! Көчө тазалагандарга ысык чай берилди. Видео
"Электр станциялары" ААКтын маалымат кызматынын билдиргенине караганда, жума күнү саат 18.00дө Бишкек ТЭЦи чыңалууну эски агрегаттардын кубаттуулугуна колдоо көрсөтүп туруучу жабдуунун убактылуу иштен чыгып калганына байланыштуу 340 МВттан (анын ичинен 145 МВт жаңы блокто жана 195 МВт эски агрегаттарда) 154 МВтка (анын ичинен 134 МВт жаңы блокто жана 20 МВт эски агрегаттарда) төмөндөткөн.

Ал эми жүгүртүүдөгү суунун температурасы +84 градустан +62ге чейин түшүрүлгөн.

Учурда шаттык температуралык режимди калыптандыруу иштери жүргүзүлүп жатат, авариялык абал жок. 

Ведомстводон жакынкы сааттарда шаардыктардын үйлөрүнө кайрадан мурдагыдай жылуулук кайтарыларын билдиришти. 

Жаңылыктар түрмөгү
0