БИШКЕК, 29-июн. — Sputnik. Кытайдан HNA Aviation Investment Group деген аталыштагы авиакомпаниясына "Эйр Кыргызстан" компаниясынын 49 пайыз акциясы сунушталып жатканын Тышкы иштер министрлигинин маалымат кызматынан билдиришти.
Тентимишов инвестиция жолу менен "Эйр Кыргызстан" компаниясынын 49 пайыз акциясын алып, анын базасында биргелешкен ишкана түзүүнү сунуштады.
Мындан тышкары, тараптар эки өлкөнүн ортосунда жаңы аба каттамдарын ачуу тууралуу кеп кылышты.
"Кытай тарап аларды Бишкек – Үрүмчү каттамдары өзгөчө кызыктырарын айтышты. Ошондой эле Тентимишов "Манас" аба майданы Хайнань аба жолдорунун учактары үчүн транзиттик аймак болуп бере аларын дагы белгиледи", — деп айтылат билдирүүдө.
Жолугушуунун жыйынтыгында Кытай тарап Кыргызстандын консулунун сунушун карап чыгууга сөз берди.
