БИШКЕК, 17-мар. — Sputnik. UFC уюмунун жеңил салмактагы мушкери, буга чейин бир дагы ирет жеңилбеген россиялык спортчу Хабиб Нурмагомедов Кыргызстанга келет. Бул тууралуу Sputnik Кыргызстан агенттигине Бүткүл дүйнөлүк кулатуу федерациясынан (WEF) билдиришти.
4 Жалган Куран 2017, 12:04
Маалыматка ылайык, Нурмагомедов 25-март күнү Бишкек шаарында өтө турган WEF Global 7 — Kyrgyzstan vs Georgia турнирине конок катары чакырылган. Аталган турнирде кыргызстандык спортчулар Грузиядан келген мушкерлер менен беттешет.
Федерациядан Хабиб Нурмагомедов спорт сүйүүчүлөрү менен жолугуп, суроолоруна жооп берерин кошумчалашты.
Эске сала кетсек, Хабиб Нурмагомедов 4-март күнү Тони Фергюсон менен беттешмек. Ал салмагын түшүрүүнү көздөп жатып ден соолугуна зыян келтирип алгандыктан кармаш болбой калган.
