БИШКЕК, 4-мар. — Sputnik. UFCтин жеңил салмактагы убактылуу чемпион титулуна ат салышкан россиялык Хабиб Нурмагомедов менен Тони Фергюсондун беттеши өтпөй калды. Бул туурасында РИА Новости UFCтин сайтына шилтеме берүү менен жазып чыкты.
Ал эми UFC уюмунун жетекчиси Дана Уайт беттешти токтотпой, өткөрүүгө мүмкүнчүлүк бар болгонун билдирди.
"Нурмагомедовдун командасы аны Лас-Вегастагы кайсы бир ооруканага алып барууну чечкен. Негизи биздин эле дарыгерге чалышса болмок. Алар өз алдынча чечим чыгарып, эреже бузушту. Бардык талаптарды сактоо менен беттешти үзгүлтүккө учуратпоого болот эле", — деди Дана Уайт.
UFCтин убактылуу чемпиондугун багындыруу үчүн россиялык жана америкалык мушкер 5-марттын түнүндө Лас-Вегаста беттешмек. Нурмагомедов мындан жеңишке жетишсе карьерасында 25-беттешин утмак.
