БИШКЕК, 19-дек. — Sputnik. Бүгүн таңга жуук Кыргызстанда катары менен эки жолу жер титирегенин ӨКМ Сеймологиялык институтка шилтеме берүү менен билдирди.
Маалыматка ылайык таңкы саат 04:16да Фергана тоо кыркаларынын аймагында очогунда 4-4,5 баллдын тегерегиндеги жер титирөө катталган. Силкинүү Нарын облусунун Ак-Талаа районунун Кош-Дөбө айылында 4 балл, Жалал-Абад облусунун Тогуз-Торо районунун Макмал айылында 4 балл, Ош облусунун Өзгөн районунун Ала-Көл, Таш-Көпүрө айылында 3 балл, Саламалик айылында 3 баллга чейин сезилген. Жер титирөөдөн кыйроолор жок.
Ал эми саат 06:43дө Жалал-Абад облусунун аймагында очогунда 3 баллга жеткен жер титирөө катталган. Жер титирөө Базар-Коргон айылына 2-3 балл болуп сезилген.
Белгилей кетсек, 18-декабрда Бишкекте 4 баллга жеткен жер титиреген. Анын очогу Казакстанда жайгашкан болчу.
Эмне үчүн жер титирөөлөр болорун Sputnik Кыргызстан инфографикасынан көрүңүздөр>>
