БИШКЕК, 14-сен. — Sputnik. Премьер-министр Сооронбай Жээнбеков Centerra Gold компаниясынын Башкы аткаруучу директору Скотт Перри менен жолукканын өкмөттүн маалымат кызматы билдирди.
Ага ылайык, жолугушууга тийиштүү мамлекеттик орган өкүлдөрү да катышып, анда Кумтөр иши талкууланды.
Премьер-министр КР өкмөттүн артыкчылыктуу милдеттеринин бири – Кумтөр кениндеги айлана-чөйрөгө тийиштүү бардык маселелерди толугу менен жана натыйжалуу чечүү болуп саналарын айтты.
Centerra Gold компаниясы жаратылышты коргоо боюнча кабыл алынып жаткан чаралар жана келечектеги пландар тууралуу маалымат берди.
Белгилей кетсек, Centerra Gold компаниясы айлана-чөйрөнү булгап жатат деп кыргыз тарап бир нече кине койгон болчу.
Кыргызстан Centerra Gold Inc. компаниясынын дээрлик 33 пайыз акциясына ээ, бул 77 миллиондон ашык баалуу кагазды түзөт.
