БИШКЕК, 9-авг. — Sputnik. Мамлекеттик салык кызматы "Кумтор Голд Компани" ишканасы салыктык мыйзам бузуулар болгондугун, бирок компания тарабынан 2014-жылдын 1-январынан тартып 2015-жылдын 31-декабрына чейинки мезгилдеги милдеттенмелер боюнча салык карызы жоюлгандан кийин карызы жок экендигин ырастаган. Бул тууралуу Салык кызматынын маалымат кызматы билдирди.
Ал эми Мамлекеттик салык кызматы "Кумтор Голд Компани" ЖАКтын берген маалыматтары чындыкка дал келбей турганын айтат.
"Мамлекеттик салык кызматынын Бишкек жана Чүй облустары боюнча Ири салык төлөөчүлөрдү контролдоо боюнча башкармалыгы тарабынан 2014-жылдын 1-январынан тартып 2015-жылдын 31-декабрына чейинки мезгил ичинде "Кумтөргө" пландуу текшерүү жүргүзүү учурунда бир катар салыктык мыйзам бузуулар аныкталган жана 37 млн 597,5 миң сом кошуп эсептелген", — деп айтылат маалыматта.
"Кумтор Голд Компани" бюджетке жогоруда көрсөтүлгөн сумманы толук көлөмдө төлөп берүү менен табылган мыйзам бузууларды жойгон.
Бирок, салык органы жиберген катта Кумтөр тарабынан салыктык мыйзам бузуулардын болбогондугу тууралуу ырастаган эмес, анткени бул компанияда жогоруда көрсөтүлгөн мыйзам бузуулар болгон, деп айтылат Салык кызматы тараткан билдирүүдө.
