БИШКЕК, 10-сен. — Sputnik. Жалал-Абад мамлекеттик университетинде "Мекеним менин Кыргызстан" аталышындагы тарбиялык маанидеги тегерек стол болуп өттү. Бул тууралуу Жалал-Абад ОИИБ билдирди.
Иш-чарага дин өкүлдөрү, ЖАМУнун профессордук окутуучулук курамы, укук коргоо органдары, аялдар кеңеши, жаштар коому, облустук жетекчилер, дубан акыйкатчысы жана Ош, Жалал-Абад аймагындагы лидер жаштар катышты.
Тегерек столдун негизги максаты жаштардын ынтымагын арттыруу, кылмыштуулуктан арылтуу, экстремисттик уюмдарга азгырылбоо жана коомдогу жоопкерчилигин жогорулатуу болуп саналат.
400 адам катышкан иш-чарада мекенге кызмат кылуу, миграция, дин багыты, аракечтик, наркомания, кесипке багыттоо, келечекти пландоо боюнча атайын адистер жаштарга түшүндүрүү иштерин жүргүзүштү.
