БИШКЕК, 9-сен. — Sputnik. Филиппиндин президенти Родриго Дутерте АКШ президентин мазактабаганын айтып, ошол эле учурда БУУнун баш катчысы Пан Ги Мунду "келесоо" деп атаганын РИА Новости Франс Пресс агенттигине таянуу менен билдирди.
Ал буга чейин АКШнын президенти Барак Обаманы "иттин гана баласы" деп атаган болчу. Обама мындай билдирүүдөн кийин Дутерте менен боло турган жолугушуусун токтоткон. Бирок эки мамлекеттин президенттери кийин баары бир жолугуп, сүйлөшүшкөн.
Кийин Дутерте "иттин баласы" деп Обаманы эмес, АКШнын мамлекеттик департаментинин жасап жаткан иштерин айтканын баса белгилеген.
Жума күнү ал БУУнун Филиппинде адам укуктарынын бузулушу боюнча билдирүүсүнөн кийин Пан Ги Мунду "келесоо" деп атады.
"Мен өзүмчө дагы бир келесоо да дедим. Кылмышкерлерге каршы күрөшүүнү улантам, аларды аяй албайм", — деди Дутерте.
Филиппиндин президенти буга чейин Рим папасы Францискти жана АКШнын Маниладагы элчисин да мазактаган.
