Трамп Обама тууралуу айткандарын какшык деп түшүндүрдү

© Sputnik / Никита Шохов / Медиабанкка өтүүРеспубликалык партиядан АКШнын президенттигине талапкер Дональд Трамп. Архив
Республикалык партиядан АКШнын президенттигине талапкер Дональд Трамп. Архив - Sputnik Кыргызстан
Жазылуу
АКШда 8-ноябрга белгиленген президенттик шайлоонун алдында эки тараптуу айыптоолор күчөп жатат.

БИШКЕК, 13-авг. — Sputnik. Республикалык партиядан АКШнын президенттигине талапкер Дональд Трамп Обаманы "Ислам мамлекети" террордук уюмун түзүүчү деп айыптаган кебине түшүндүрмө берди. Бул тууралуу РИА Новости жазып чыкты.

Белгилей кетсек, буга чейин Дональд Трамп Обаманы "Ислам мамлекети" террордук уюмун түзгөн, ал эми атаандашы Хилари Клинтондун буга түздөн түз тиешеси бар деп айтып чыккан.

Эми талапкер кебин түз мааниде эмес, какшык иретинде айтканын Twitter тармагындагы баракчасына жазып чыкты. 

"CNN аркылуу Обама (жана Клинтон) "Ислам мамлекетин" түзүүчү деп айткан кебим катуу талкуу жаратты. Алар какшыкты түшүнбөйбү?" — деп суроо салды Трамп. 

АКШда 8-ноябрда өтө турган президенттик шайлоонун алдында эки тараптуу айыптоолор күчөп жатат. Обама Трампты президенттикке жарабаган адам катары сыпаттаса, Трамптын штабы Обама менен Клинтондун айынан тышкы саясат менен экономика начарлап кеткенин билдирген.

Жаңылыктар түрмөгү
0