КЫРЧЫН, 4-сен. — Sputnik. Кырчын жайлоосунда өтүп жаткан маданий жана спорттук иш-чаралар менен катар соода-сатыктын дагы кызып жатканын кабарчыбыз жеринен билдирди.
Үйүнөн нандын түрү менен максым суусундугун даярдап келген Алмадай Маткеримова соода кызуу жүрүп жатканын айтып кубанды.
"Өзгөчө туристтер максымды жактырып, калтырбай алып кетип жатышат. Баалар күндөгүдөн 1,5 эсе кымбат болгонуна карабастан соода абдан кызуу жүрүүдө", — деп билдирди сатуучу.
Учурда алардын литри 60 сомдон сатылууда.
Белгилей кетсек, II Дүйнөлүк көчмөндөр оюндары 8-сентябрга чейин уланат.
"Кыргыз айылы" этношаарчасына 288 боз үй тигилип, коопсуздукту 600дөн ашык милиция кызматкери камсыз кылууда. Ошондой эле Тез жардам кызматы, куткаруучулар да кезметте турушат.
Sputnik Кыргызстан маалымат агенттиги жана радиосу Дүйнөлүк көчмөндөр оюндарынын расмий медиаөнөктөшү болуп саналат.
