КЫРЧЫН, 4-сен. — Sputnik. Кырчын жайлоосундагы "Кыргыз айылы" этно шаарчасына 300гө чукул боз үй тигилип, алардын коопсуздугун 600дөн ашуун күч органдары сактоодо. Бул тууралуу Дүйнөлүк көчмөндөр оюндарынын катчылыгы билдирди.
Кабарчыбыз жеринен маалымдагандай, учурда "Кыргыз айылы" этно шаарчасында театрлаштырылган концерт, улуттук оюндар жана ар кыл конкурстар өтүүдө.
Ал эми келген коноктордун унаалары үчүн атайын 87 миң 429 чарчы метр унаа токтотуучу жай бөлүнгөн.
Экинчи дүйнөлүк көчмөндөр оюндары 8-сентябрга чейин уланат. Анын ачылышы 3-сентябрда Бактуу-Долоноту айылындагы ат майданда өткөн.
Sputnik Кыргызстан маалымат агенттиги жана радиосу Дүйнөлүк көчмөндөр оюндарынын расмий медиаөнөктөшү болуп саналат.
