БИШКЕК, 2-сен. — Sputnik. 17 адам өрттөлгөн "Печатный экспресс" басмаканасынын директору менен башкы инженерине издөө жарыяланды. Бул тууралуу Россиянын Москва шаарындагы тергөө комитети расмий сайтына жарыялады.
Аталган басмаканада 27-август күнү өрт чыгып, 17 адам каза болгон. Алардын 14тү кыргыз жарандары болгон.
"Тергөөчүлөр басмакананын директору Сергей Москвин жана башкы инженер Антон Яцковду кылмышка шектүү катары атап, аларды Россиянын Кылмыш жаза кодексинин 219-беренеси (өрткө каршы туруу эрежерин бузуу) боюнча күнөөлөп жатат. Учурда аларга издөө жарыяланды", — деп айтылат маалыматта.
Эске сала кетсек, буга чейин өрттүн келип чыгуу себептерин иликтеген атайын топ түзүлгөн.
Ал эми Россиянын прокуратурасы аталган басмакана өрткө каршы кызматы тарабынан 2012-жылы текшерилгенин, андан бери текшерүүгө алынбагандыгын кабарлаган.
