БИШКЕК, 2-сен.— Sputnik. Экинчи дүйнөлүк көчмөндөр оюндарынын (ДКО) ачылыш салтанаты эртең, 3-сентябрь күнү саат 20:30да Бактуу-Долоноту айылындагы ипподромдо өтөт. Бул тууралуу Дүйнөлүк көчмөндөр оюндарынын катчылыгы билдирди.
Маалыматка ылайык, эл аралык иш-чаранын ачылыш салтанатын КТРК түз алып көрсөтөт. Мындан сырткары, калган жалпыга маалымдоо каражаттары, анын ичинде Sputnik Кыргызстан маалымат агенттиги жана радиосу ретрансляция кылышат.
Экинчи дүйнөлүк көчмөндөр оюндары Ысык-Көл облусунда 2016-жылдын 3-8-сентябрында өтөт.
Sputnik Кыргызстан маалымат агенттиги жана радиосу Көчмөндөр оюндарынын расмий медиа өнөктөшү.
