БИШКЕК, 2-сен. — Sputnik. Дүйнөлүк көчмөндөр оюндарынын ачылышында Ысык-Көлдө жаан жаабай турганын Кыргызгидрометтен Sputnik Кыргызстан агенттигине билдиришти.
Ысык-Көлдүн Бактуу-Долоноту айылында 3-сентябрда Экинчи дүйнөлүк көчмөндөр оюндарынын ачылышы өтөт.
"3-сентябрда күндүз Ысык-Көлдүн айрым жерлеринде өткүн өтүп, күн күркүрөйт. 4-сентябрда дагы туруксуз аба ырайы сакталат. Күндүз бир катар аймактарда маал-маалы менен жаан жаашы мүмкүн. 6-7-8-сентябрда түнкүсүн жаан-чачын күтүлбөйт. Күндүз өткүн өтүшү мүмкүн", — деп Кыргызгидрометтен билдиришти.
Ал эми облустун тоолуу аймактарында 3-сентябрда күндүз мезгил-мезгили менен жамгыр жаашы мүмкүн. 4-сентябрда ала булут каптап турат. Кечинде жаан жаашы мүмкүн. 6-7-8-сентябрда тоолуу аймактарда туруксуз аба ырайы сакталат.
Учурда Көчмөндөр оюндарына катышуу үчүн 39 мамлекеттин өкүлдөрү келди.
Sputnik Кыргызстан маалымат агенттиги жана радиосу Дүйнөлүк көчмөндөр оюндарынын расмий медиаөнөктөшү болуп саналат.
