БИШКЕК, 18-авг. — Sputnik. Олимпиада оюндарынан коло медаль жеңип алган молдовалык кайыкчы Сергей Трановский оюндардан убактылуу четтетилди. Бул тууралуу Sputnik Молдова Эл аралык кайык федерациясына шилтеме берүү менен жазып чыкты.
"Кайык менен 1000 чакырымга жалгыз сүзүү боюнча таймашта коло медаль жеңген Сергей Тарновскийден допинг табылгандыктан оюндардан четтетилди. Эми 19 жаштагы спортчу бир тууганы Олег менен 1000 метрлик чакырымга сүзгөнү жаткан. Бирок Антидопинг эрежесинин 7.8. пунктуна ылайык оюндан убактылуу четтетилди", — деп айтылат федерациянын маалыматында.
Тарновский Олимпиадалык оюндарда медалынан айрылган экинчи спортчу болуп калды. Буга чейин Эл аралык спорттук арбитраждын чечими менен кыргызстандык оор атлетчи Иззат Артыковдун коло медалы кайтарылып алынган. Өлкөнүн профилдик органдары чечимдин үстүнөн даттанууну көздөп жатышат.
