БИШКЕК, 3-июл. — Sputnik. Бишкек убактысы боюнча саат 01.00де Европа чемпионатынын чейрек финалындагы акыркы оюнда Исландия менен Франциянын командалары беттешет.
Буга чейин жарым финалга чыккан үч команда белгилүү болгон. Алар — Португалия, Уэльс жана Германия. Жарым финалда Португалия менен Уэльс беттешсе, немистер Франция менен Исландия оюнунун жыйынтыгын күтөт.
Француздар талаа ээси болуп, көпчүлүктүн сүймөнчүгүндөгү команда болсо, Исландия бул чемпионатка биринчи жолу катышып жатат.
Эскерте кетсек, Европа чемпионаты 10-июндан 10-июлга чейин Франциянын 10 шаарында өтүп жатат.
