БИШКЕК, 3-июл. — Sputnik. Германиянын курама командасы чейрек финалда италиялыктар менен беттешип, пенальтиден кийин жеңишке жетишти. Оюн ишемби күнү Бордо шаарында өттү.
Беттешүүнүн биринчи таймында эсеп ачылган жок. Экинчи бөлүктө Озил италиялык дарбазачы Жанлуижи Буффондун каршылык көрсөткөнүнө карабастан топ киргизип эсеп 1:0 болду.
Андан соң Италиянын коргоочусу Леонардо Бонуччи 11-метр аралыктан топ киргизип, эсепти теңдөөгө жетишти. Кошумча убакытта да жарым финалга чыга турган команда аныкталбагандыктан, пенальти дайындалды.
Натыйжада немистер италиялыктардан таамайыраак болуп, жарым финалга өтүп кетишти. Эми алар Франция — Исландия жубунун жеңүүчүсү менен беттешет.
Утулуудан кийин Италиянын голкипери 38 жаштагы Жанлуижи Буффон көзүнө жаш алып, эл аралык карьерасын ушуну менен токтотпостон, 2018-жылы Россияда өтө турган дүйнө чемпионатына катышууга аракет кыларын белгиледи.
