БИШКЕК, 8-июн. — Sputnik. Жогорку Кеңеште депутат Аида Салянова тарабынан өспүрүмдөргө зордук-зомбулук жасаган кылмышкерлерге жаза чарасын күчөтүү демилгеленген мыйзам долбоору каралды.
Ага ылайык, жашы жете электердин өмүрүнө, ден соолугуна жана жыныстык кол тийбестигине каршы кылмыш жасагандарга жазык жоопкерчилиги күчөтүлөт.
Салянованын айтымында, 2014-жылы жашы жете электерге карата 142 оор кылмыш жасалган. Алардын ичинен 10 бала өлтүрүлсө, 13 баланын ден соолугуна олуттуу зыян келтирилген. Мындан сырткары, 66 бала зордукталган.
Аталган мыйзам долбоору биринчи окууда добуш берүүгө жиберилди.
