БИШКЕК, 8-июн. — Sputnik. Жогорку Кеңеште лотерея ишмердүүлүгүнө тыюу салган мыйзам долбоору колдоо тапты.
Аталган мыйзам долбоору биринчи окууда жактырылып, ага 98 депутат макул деген добуш берсе, 12 эл өкүлү каршы пикирин айтты.
Буга чейин ЖКда өкмөттүн өкүлү катары жооп берип жаткан Финансылыкты рынокту жөнгө салуу жана көзөмөлдөө кызматынын жетекчиси Санжар Мукамбетов мамлекеттик лотерея зарыл экенин айтып, мындан 2015-жылы 32 миллион сом, ал эми 2014-жылы 31 миллион сом салык түшкөнүн билдирген.
